Veteran goalkeeper, Claudio Bravo don yan say if Barcelona need am, e ready to step in as temporary replasement for dem injured goalkeeper, Marc-André ter Stegen. Dis one na wetin The Week tok on Monday.
Ter Stegen bin get kpekus injury during Barcelona match for La Liga against Villarreal on Sunday, wey go make am siddon for bench for long time. Bravo wey don announce hin retirement from football for August after im do well for clubs like Colo Colo, Real Sociedad, FC Barcelona, Manchester City, and Real Betis, dey open to brief return if Barcelona find am.
Ter Stegen show pain for body during the Villarreal match, dem quickly replace am with backup goalkeeper wey be Iñaki Peña. For statement wey dem release on Monday, the club confirm say, “The German international dey pain and dem quickly replace am with Iñaki Peña.”
For 2023, Peña wey be 25-year-old extend hin contract with Barcelona reach June 2026, with buyout clause of 400 million euros. After some time, Barcelona come confirm say Ter Stegen get “complete rupture” for hin patella tendon for hin right knee.
Dem carry am comot for stretcher after e fall waka in one kain way while e dey try clear high cross just before halftime. Dem schedule surgery for Monday after some tests confirm say the injury dey severe.
Meanwhile, Bravo wey dey Barcelona from 2014 to 2016 announce hin retirement on August 27 through social media. As e dey remember hin journey, dis Chilean goalkeeper start for Colo-Colo before e waka go Real Sociedad. Bravo don use eight years for San Sebastián before hin move enter Barcelona, where e compete with Ter Stegen for two seasons.
In 2016, Bravo move go Manchester City, after four years for England. E then waka go Real Betis. For hin two years for Barcelona, Bravo don play 75 competitive matches and win nine major titles, including two league and cup doubles, the Champions League, and the FIFA Club World Cup.
