Lagos State go start di monthly environmental sanitation for di state again for di last weekend of April. Dis na according to di Lagos State Commissioner of Environment and Water Resources, Tokunbo Wahab, wey explain how di whole tin go take hold.
Di plan to restart di statewide cleaning bin dey announced a month earlier by di Lagos State governor, Babajide Sanwo-Olu, wen e go Mushin-Agege Road for March 14 wit di Lagos State Ministry of Environment. E tok dat time say, “I dey happy to share say di exercise (environmental sanitation) go start again for Saturday, 25 April 2026 and go now hold evri last Saturday of evri month from 6:30am to 8:30 am (Nigerian time).”
Oga Sanwo-Olu come ginger Lagosians say make dem “comot, clean your yard, clear di drains for front of your house and troway doti sharply.”
Environmental sanitation dey come almost 10 years afta dem comot di monthly sanitation for Lagos. Di News Agency of Nigeria bin report say di move to comot di exercise bin follow one court ruling from March 2015 wey call out di restriction of movement for di exercise from 7am to 10am say e dey unconstitutional and dey impede on pipo freedom of movement.
According to oga Wahab, dia go be rewards for di cleanest Local Government Area, Local Council Development Area and di cleanest street. But e also warn say any pesin wey go against di sanitation order go face di consequences according to di Lagos State 2017 Environmental Protection Law.
All dis one dey happen as Lagos State tok say dem dey expect heavier rainfall for dis year rainy season.
According to di Lagos Ministry of Environment and Water Resources, pipo responsibilities on di day dey different. However, di tasks for evribody na to make sure say di drainage for di area dey clear, say doti no full inside. Any yama-yama wey dey inside gutter suppose dey packed and left for LAWMA and PSP make dem come carry am. And if drainage work dey wey pass your power, tell am give local government to come work am.
However, evri one from tenant to landlords to businesses dem and even community leaders get individual work. Di ministry arrange am so: Tenants and household members work: Participate for compound sanitation wey landlord arrange. Clean your own house, arrange am for di three categories before sanitation. No put doti for drains or gutters or empty lands or inside your neighbour property. Arrange wit compound pipo to contribute for cleaning materials. No be to use di time take do non-sanitation work like play ball.
Landlords: Arrange compound sanitation plan so evribody go get dia cleaning work at least two days to sanitation. Make sure say drainage and gutter inside and around di compound dey fully cleared. Give compound pipo correct dustbins and place to drop dia doti inside compound. Maintain soakaways so e no go leak go outside. Make sure say tenants and family members work dat day. Report illegal dumping give LAWMA.
Business owners: Dem dey responsible to clean dia side for di sanitation time. All di doti from business must dey ready for pickup by LAWMA by 8:30am. Dis business must get sanitation coordinator wey go arrange staff and facility cleaning. Businesses dem wey get hazardous or medical waste no fit use LAWMA and must use LASEPA licensed contractors.
Community leaders: Arrange community cleaning for public spaces like bus stops, street pavement, etc. Tell household for yard wen sanitation go happen and wetin be di rules two days in advance. Arrange wit LAWMA district office at least five days in advance to know wia and wen dem dey come collect doti. Submit post sanitation compliance summary give Local Government Sanitation Officer within two days.
In a statement issued by the Commissioner for the Environment and Water Resources, Tokunbo Wahab, residents were urged to clean their surroundings and clear drainage channels in front of their homes before proceeding with other activities after the exercise. Wahab disclosed that adequate evacuation and compactor trucks have been deployed across the state, with the Lagos Waste Management Authority (LAWMA) strategically positioned to promptly remove solid waste and debris generated during the exercise.
To underscore the government’s commitment, top officials will monitor compliance across various locations. Di wife of di Lagos State Governor, Ibijoke Sanwo-Olu, alongside members of di Committee of Wives of Lagos State Officials (COWLSO), go lead a monitoring team, while di Head of Service, Olabode Agoro, go head another team in a separate local government area.
Di Commissioner further noted that major transport unions in di state have pledged not to operate vehicles from parks and terminals during di sanitation period, as a demonstration of support for di initiative. E explain say di reintroduction of di monthly sanitation exercise followed sustained calls from residents advocating for a dedicated time to maintain cleanliness in dia communities.
Community Development Associations (CDAs) were also urged to mobilise dia members to ensure full participation and revive di culture of collective environmental responsibility. Wahab added that all local governments and Local Council Development Areas (LCDAs), alongside some private organisations, dey support di exercise by providing tools and waste evacuation vehicles.
E warn say environmental health and enforcement officers go dey deployed across neighbourhoods to monitor compliance. Defaulters risk to receive abatement notices and fit face prosecution in accordance wit di Lagos State Environmental Management Law of 2017 and oda relevant regulations.
Do you have a news tip for NNN? Please email us at editor @ nnn.ng
