Na big shock for fans as news don land say Halle Bailey and her boofren, DDG, no dey together again. DDG tok for him Instagram story say after dem don reason taya and heart-to-heart tok, dem don decide say to go dia separate way naim go beta for dem. Even though e no easy, e sey the decision dey important for their future.
DDG write sey, “My people, me and Halle don decide to go separate ways. No be say we no appreciate the time we don spend or the love we share, but na wetin we tink say go good for the two of us be dis.” E sey dem still love each oda plenty and dem still dey best friends, na just say life show dem different road.
He still add sey dem go still join hand take care of their pikin, Halo, together. “Even as we dey waka different path, we still value the bond we don build together and the sweet moments.” Him beg fans sey make dem show support as dem dey navigate dis new chapter for their life.
Ontop all dis, social media no gree DDG rest as people gather for him page begin para. Some dey wonder why e even born pikin if e no reason to wakka the journey till the end. Others dey doubt the breakup until Halle own mouth join confirm am. Some Instagram users just dey call out DDG as if na big prank e dey play with him announcement.
Dem two first make headline for January 2022 when dem start to dey date, later for March DDG hail Halle with some sweet sweet birthday message, talk sey na she be di “beautifulest”, and dem still show for BET Awards red carpet for June. Dem keep their mata tek private small until the news come bust out.
Dem pikin, Halo, na late 2023 dem born am, and this year, dem still flaunt for Dolce & Gabbana event together before kasala come burst now for October. E still be like say Halle neva tok anything about dis breakup gist for herself.
