Gwamnan jihar Edo, Senator Monday Okpebholo, ya amince da safarar bus mai kyauta ga al’ummar jihar ta hanyar kamfanin gudanar da safarar jama’a na jihar Edo, Edo City Transport Service (ECTS).
An bayyana haka a wata sanarwa da Sakataren Jarida na Gwamna, Fred Itua, ya fitar. Gwamna Okpebholo ya ce manufar da yake da ita shi ne kawo saukin rayuwa ga al’ummar jihar, a matsayin wani bangare na manufo din sa na “A NEW EDO HAS RISEN”.
Safarar bus mai kyauta zai rufe yankin Benin da kuma mazabun sanata uku na jihar Edo (Intra da Inter city routes). Haka kuma, yankunan Edo Central kamar Ekpoma, Iruekpen, Irrua, Uromi, da sauran wurare suna cikin hanyoyin da safarar bus mai kyauta zai rufe.
Edo North kuma an hada shi cikin shirin, inda garuruwa kamar Agbede, Auchi, Okpella, Fugar, da sauran wurare na Edo North zasu samu gudunmawar safarar bus mai kyauta.
An faɗa da cewa safarar bus mai kyauta zai saukaka wahalilin safarar jama’a ga al’ummar jihar, musamman wa wadanda ke shirin tafiyar a cikin yankin Benin da waje.
