Boris Johnson, wey be former British Prime Minister don yarn say Queen Elizabeth get bone cancer before she kpeme for September 2022, when she be 96 years old. Dis tori dey inside him soon-to-reach memoir wey dem name “Unleashed,” wey go drop later dis October. Di tori wey dey cause wahala na say British leaders no dey usually talk about royal family private mata like dis.
One part of di book wey dem don release for Daily Mail, show say Johnson talk say him don sabi since one year sey di Queen get bone cancer, and her doctor dey fear say she fit collapse anytime. Johnson talk am say, “She kon dey look pale and she come dey bend more, her hand dey show black marks, maybe from injection or drip.” Even as di Queen dey look weak, Johnson talk say her mind still dey kampe, because for him last meeting with her, she still flash that her obodo oyibo smile.
Johnson meet Queen for Balmoral Castle, wey dey Scotland, just few days before she kpeme to give her him resignation letter. Buckingham Palace no wan talk anything when CBS News ask dem about dis tori. Dem dey always no talk about royal family private life matter for books or news. Johnson yarn dey shake ground because normally, UK Prime Ministers no dey talk about wetin dem discuss for closed-door meetings with di royal family.
Dis no be di first time Prime Ministers dey talk about conversation dem get with di Queen for dem memoir. David Cameron too bin talk di time wen dem catch am dey tell former New York Mayor how di Queen feel when dem vote for Scotland to remain inside UK. Other former Prime Ministers like Tony Blair and Gordon Brown don also share small small details of their interactions with di Queen for their own books.
We hear say di Queen first son wey be King Charles III already break protocol by letting people know about him own sickness earlier dis year, but dem still never tell us di cancer type. Even Princess Kate wey be Charles daughter-in-law talk say she don complete her treatment but di road to healing still long.
