Eminem don show new side for him life as him become grandpapa. Na for him new music video, “Temporary” wey feature Skylar Grey, him daughter, Hailie Jade, reveal say she dey expect pikin.
For di video, we dey see Hailie, wey be musician and podcaster, surprise her papa wit one blue shirt wey carry “Grandpa” for back. Eminem no fit hide him surprise as him hold di sonogram photo, while Jade dey laugh for her papa reaction.
Di music video show montage of childhood home video of Jade and Eminem, wey dem splice wit footage from her recent wedding to Evan McClintock. Eminem dedicate di song to Jade as him sing say di song go help am cope with life when him no dey again.
Hailie don show di sonogram photo for her Instagram, explain say di pikin go land next year. Hailie and McClintock don dey together since 2016, dem engage for February 2023 and don marry since May.
Na di first pikin for Hailie and McClintock and di new development dey sweet dem well well as dem share di good news wit di world.