Di National Association of Nigerian Students (NANS) don publish list of 43 tertiary institutions wey dem say collect double tuition payment from both NELFUND and di affected students.
Dis one come after di Nigerian Education Loan Fund (NELFUND) tok say some schools dey under investigation for no refund students wey dem pay tuition two times under di federal government student loan scheme.
Di institutions wey NANS name spread across universities, polytechnics and colleges of education for all six geopolitical zones of di country.
NANS President, Akinteye Babatunde Afeez, for statement wey come out yesterday, say di list na to promote transparency and accountability, and make sure say affected students get dia refund without delay.
Di list include Adamawa State University, Mubi; Federal Polytechnic, Mubi; Federal College of Education, Yola; Kaduna State Polytechnic; Ogun State Institute of Technology, Igbesa; Federal University, Dutsin-Ma; University of Education, Akamkpa; University of Uyo; Yobe State University, Damaturu; Federal University, Lafia; Modibbo Adama University, Yola; Nasarawa State University, Keffi and Federal College of Forestry, Plateau State.
Others na Federal University of Education, Pankshin; Federal Polytechnic, Nyak; Plateau State University, Bokkos; Federal Polytechnic, Bauchi; Federal University of Education, Zaria; Imo State University, Owerri; Lagos State University of Education, Ijanikin; Bamidele Olumilua University of Education, Science and Technology, Ikere-Ekiti and Aliko Dangote University of Science and Technology, Wudil.
Also implicate na Kano State College of Education and Preliminary Studies; University of Nigeria, Nsukka; Ebonyi State University, Abakaliki; Federal College of Education, Katsina; College of Agriculture, Science and Technology, Lafia; University of Ilorin; Michael Okpara University of Agriculture, Umudike; University of Ilesa; Ogun State Polytechnic of Health and Allied Sciences, Ilese-Ijebu as well as Adekunle Ajasin University, Akungba-Akoko.
Di list still get Delta State University, Abraka; Federal University of Agriculture, Abeokuta; Ekiti State University, Ado-Ekiti; Federal University, Oye-Ekiti; University of Calabar; Rivers State University; Ignatius Ajuru University of Education, Port Harcourt; Federal College of Education (Technical), Gombe; and Hassan Usman Katsina Polytechnic, Katsina State.
NANS say dem dey monitor di situation and go ensure say di students get justice.
