Gov’nor Ahmed Usman Ododo, wey be Kogi State Gov’nor, don send him condolence to di gov’ment and people of Akwa Ibom State ontop di loss of di wife of di Gov’nor, Mrs Patience Umo Eno, wey die on Thursday. Ododo tok say na shock im take hear di death of Akwa Ibom first lady, wey don help Gov’nor Umo Eno steady di ship of state for di last one year.
Di Kogi Gov’nor describe Mrs Patience Umo Eno as beta wife, mama and grandmama, wey her pet projects don touch many women and vulnerable people for Akwa Ibom state. Ododo pray make her soul rest well and make God comfort her family and di people of Akwa Ibom as dem dey mourn.
Mrs Patience Umo Eno die on Thursday at di age of 57 after short sickness.
