‘Yan bindiga sun kashe jami’an tsaro 2, sun yanke kai, hannu a Ondo —

Wasu ‘yan bindiga sun kashe jami’an tsaro biyu a wurare daban-daban a Ikare-Akoko, karamar hukumar Akoko Arewa maso Gabas ta jihar Ondo.

An tattaro cewa ‘yan bindigar sun kai farmaki kan kasuwar Mimiko mallakin gwamnati da kuma Makarantun NASFAT da ke cikin babban birnin Ikare-Akoko, inda suka kashe masu gadin tare da tarwatsa gawarwakinsu, inda suka bar gawarwakinsu cikin jini.

A cewar wata majiya, ‘yan bindigar sun kai hari a wuraren biyu da tsakar daren ranar Juma’a yayin da aka tsinci gawar mamacin a cikin tafkin jini a ranar Asabar.

“’Yan bindigar sun kashe daya daga cikin masu gadin sannan suka yanke kai suka ajiye kan a gefen jikinsa yayin da aka yanke hannun dayan suka ajiye shi a gefensa.

Majiyar ta ce wadanda suka kashe ba su dauki komai daga hannun marigayin ba kafin su bar wurin, ta kuma kara da cewa, hanya da kuma yadda ‘yan bindigar da ake zargin su da aikata laifin suka kai harin ya sanya ake zargin kashe-kashen al’ada.

Da yake tabbatar da faruwar lamarin, jami’in hulda da jama’a na rundunar ‘yan sandan jihar, Olufunmilayo Odunlami, ya ce ‘yan sandan sun ajiye gawarwakin mamatan a dakin ajiyar gawa na asibitin kwararru na jihar, Ikare-Akoko.

“Mun fara bincike kan lamarin, kuma nan ba da jimawa ba za a kama masu laifin,” in ji PPRO.

NAN