Sarki Aminu Bayero ya taya zababben gwamnan Kano Abba Yusuf murna –

Sarkin Kano, Aminu Bayero, ya taya zababben gwamnan jihar Kano, Abba Kabir-Yusuf, murnar nasarar da ya samu a zaben gwamna da aka gudanar a ranar 18 ga watan Maris.

A wata sanarwa da mai magana da yawun masarautar Kano, Abubakar Kofar-Naisa, ya fitar, ta ce sarkin ya mika sakon taya murnan a cikin wata takarda mai dauke da sa hannun sa.

Ya ce Sarkin na daya ya lura cewa mutanen Kano sun amince da tsarin mulkin dimokuradiyya, ya kara da cewa, “wannan yana da matukar muhimmanci duba da yadda suka fito baki daya domin kada kuri’a kamar yadda tsarin mulki ya tanada.

A cewar sanarwar, Mista Bayero ya kuma yi kira ga zababben gwamnan da ya ci gaba da tafiyar da gwamnati domin yin hakan zai taimaka wajen inganta rayuwa da kuma kawo ci gaban tattalin arziki.

“Sarki Bayero ya kuma mika godiyarsa ga malaman addinin Musulunci da limamai da sauran al’umma bisa addu’o’in da suka yi na neman zaman lafiya, kafin zabe da lokacin zabe da kuma bayan zabe.

“Ya kuma yi fatan zaman lafiya da kwanciyar hankali a jihar Kano da ma sauran sassan kasar nan.

“Ya yi addu’ar Allah Madaukakin Sarki da ya ba shi nasarar kammala wa’adinsa da kuma ci gaban gwamnatinsa da ci gaban tattalin arzikin jihar Kano,” a karshe sanarwar.

Credit: https://dailynigerian.com/emir-aminu-bayero/