Jirgin Dana Air yayi saukar gaggawa a Abuja

Daga Umar Audu

Kamfanin Dana Air ya tabbatar da saukar gaggawar daya daga cikin jirgin Boeing 737 mai lamba 5N DNA a filin jirgin sama na Nnamdi Azikiwe, sakamakon wata matsala da daya daga cikin injinan sa.

Yayin da yake tabbatar da faruwar lamarin a cikin wata sanarwa a ranar Talata, kamfanin ya ce dukkan fasinjoji 100 da ke cikin jirgin sun sauka lafiya.

Ya kara da cewa an sanar da hukumar NCAA kan lamarin yayin da aka dakatar da jirgin.

Sanarwar ta kara da cewa: “Jirgin mu Boeing 737 mai lamba (5N DNA) da ke kan hanyarsa ta zuwa Abuja, ya yi saukar gaggawa a yau, 19 ga watan Yuli, 2022, sakamakon wata alama a daya daga cikin injinansa.”

“Matukin jirgin ya sanar da fasinjojin lamarin kuma ya sauka da jirgin lafiya a filin jirgin saman Abuja da misalin karfe 2:52 na rana.

“Dukkan fasinjoji 100 sun sauka lafiya kuma tawagar injiniyoyinmu sun dakatar da jirgin domin kulawa da gaggawa.

“An kuma sanar da Hukumar Kula da Sufurin Jiragen Sama ta Najeriya (NCAA) kan lamarin.

Yayin da yake ba da hakuri ga fasinjojin da ke cikin jirgin, kamfanin jirgin ya ba da tabbacin cewa zai ci gaba da kasancewa a koyaushe.