Jam’iyyun adawa 6 a kasar Turkiyya sun amince da tsayar da dan takarar shugaban kasa tare

Jam’iyyun adawa 6 a kasar Turkiyya sun amince da mika sunan dan takarar shugaban kasa tare Shugabanin jam’iyyun adawa shida a kasar Turkiyya sun amince da fitar da dan takara na hadin gwiwa da zai fafata da shugaba mai ci Recep Tayyip Erdogan a zaben da aka shirya yi a watan Yunin shekarar 2023.
Jam’iyyun dai sun hada da babbar jam’iyyar adawa ta Republican People’s Party (CHP), da Good Party (İP), da Islamist Felicity Party (SP) da Democrat Party (DP).

Sauran su ne; Tsohon Firayim Minista Ahmet Davutoglu na Future Party (GP) da tsohon mataimakin firaminista Ali Babacan’s Democracy and Progress Party (DEVA).

Shugabannin wadannan jam’iyyu sun cimma wannan matsaya ne a wani taro da suka gudanar a ranar Asabar, in ji sanarwar ta hadin guiwa da aka gabatar ga manema labarai.

Taron ya dauki tsawon awanni bakwai, in ji jaridar Haberler.

Wannan dai shi ne karon farko da shugabannin ‘yan adawa a kasar Turkiyya suka bayyana a bainar jama’a kan wani dan takara na hadin guiwa na adawa da Erdogan, wanda shi kansa shi kadai ne wanda jam’iyyar ta tsayar.

Ko da yake sanarwar ba ta bayyana wani dan takara ba, amma ta tabbatar wa al’ummar kasar cewa, wanda aka zaba na hadin gwiwa zai zama shugaban kasar Turkiyya na 13, na daukacin al’ummar Turkiyya.

A cewar shugabannin, ba wai jam’iyyun siyasa shida ne kawai ke goyon bayan zaben ba, har ma da wasu mutane.

Tun da farko shugaban jam’iyyar CHP Kemal Kilicdaroglu ya bayyana cewa jam’iyyun adawa da suka hade a cikin jam’iyyar Nation Alliance za su bayyana dan takararsu na shugaban kasa idan aka bayyana ranar zaben shugaban kasa a hukumance.

Shugabannin jam’iyyun adawa shida za su yi shawarwari karo na biyu a ranar 2 ga Oktoba – kwana guda bayan bude zaman majalisar na kaka.

A wannan karon shugaban CHP Kemal Kilicdaroglu ne zai karbi bakuncin taron.

(

Labarai