Duniya
Hukumar shige da fice ta Najeriya ta samu sabon kakakin —
Hukumar shige da fice ta Najeriya NIS, ta amince da nadin Tony Akuneme a matsayin jami’in hulda da jama’a na ma’aikata, SPRO.
Wata sanarwa da babban Sufeto na hukumar shige da fice a sashin hulda da jama’a, KS Kure, ya fitar ranar Alhamis a Abuja, ta ce babban jami’in hukumar, Isah Jere ya amince da nadin Akuneme.
Mista Akuneme, mataimakin shugaban hukumar shige da fice, ya maye gurbin Amos Okpu wanda ya yi ritaya bayan ya shafe shekaru 35 yana aiki.
Sabon mai magana da yawun NIS ya kawo wa Sashen Hulda da Jama’a, shekaru 29 na kwarewa da gogewa a fannin hulda da jama’a, tsaron kan iyaka da kula da ƙaura.
Ya kasance mataimaki na musamman kan harkokin yada labarai daga shekarar 2015 zuwa 2019, mataimakin Zonal PRO Zone A, Lagos daga 1995 zuwa 2005, PRO, Akwa Ibom Command, daga 2005 zuwa 2008, da mataimakin Service PRO daga 2008 zuwa 2011.
Kakakin NIS ya fito ne daga Imo kuma ya yi Digiri na farko a fannin Falsafa a Jami’ar Fatakwal, da Digiri na biyu a fannin Shari’a na kasa da kasa da kuma Difloma ta Post Graduate Diploma a aikin jarida daga Jami’ar Legas.
Har zuwa nadin nasa, Akuneme shi ne shugaban ofishin kula da shige da fice na Najeriya Diaspora Commission.
NAN
