Hukumar NDLEA ta kama wasu masu safarar miyagun kwayoyi guda 4 a kan iyakar Najeriya da Kamaru a Adamawa –

Hukumar NDLEA ta kama wasu masu safarar miyagun kwayoyi guda hudu a Adamawa, kamar yadda kakakin hukumar, Femi Babafemi, ya bayyana a Abuja ranar Lahadi.

Mista Babafemi ya ce an kama wasu mashahuran dilolin muggan kwayoyi guda hudu a Konkol da Belel, kauyuka biyu da ke kan iyakar Najeriya da Kamaru da laifin fitar da Tramadol da kuma safarar Diazepam zuwa Najeriya.

“Wadanda ake zargin su ne Kabiru Ahmadu; Eric Emil; Abdulmumini Bapetel da Alphonsus Yusuf.

“An kwato jimlar Tramadol 59.018kg, Diazepam, Exol-5, hemp India da jerry-cans guda biyu na sinadari na formalin (Suck & Die) daga hannunsu,” in ji shi.

Mista Babafemi ya kuma bayyana cewa an kama ampoules 4,010 na allurar pentazocine a ranar Juma’a, 29 ga watan Yuli a Kebbi.

Ya kara da cewa, an gano magungunan ne a lokacin da aka kama wata motar kasuwanci a hanyar Yauri zuwa Kebbi, kuma an kama wasu mutane biyu Muktar Yunusa mai shekaru 26 da Lukman Aliyu mai shekaru 30.

“Hakazalika, wani samame da aka kai a unguwar Oko-Olowo dake Ilorin a ranar Talata, 26 ga watan Yuli, ya kai ga kama wani Onaolapo Zakariyau, mai shekaru 50, da kilogiram 79 na hemp na kasar Indiya.

“A Abuja, an kama bulogi 90 na tabar wiwi (kg 48.2) da gram 700 na methamphetamine a tashar mota ta Jabi yayin da aka kama a kalla wani da ake zargi da hannu wajen baje kolin maganin.

“A Kano, an kama mutane 51 da ake zargi a wani samame da aka kai a wani gidan cin abinci da ke unguwar Nasarawa a jihar a ranar Juma’a, 29 ga watan Yuli.

Ya kara da cewa, “An kama wadanda ake zargi da nau’ikan hemp na Indiya da kuma maganin tari mai codeine,” in ji shi.

NAN