Labarai
Gwamna Fintiri ne ke kan gaba a zaben Gwamnan Jihar Adamawa
Kananan hukumomi bakwai da gwamna Fintiri mai ci Ahmadu Umaru Fintiri na jam’iyyar PDP ya lashe ne ke kan gaba da sauran ‘yan takara a sakamakon zaben gwamnan jihar Adamawa da aka bayyana ya zuwa yanzu a ranar Lahadi da yamma. Fintiri ya lashe kananan hukumomi bakwai daga cikin sakamakon kananan hukumomi 10 da hukumar zabe mai zaman kanta ta kasa INEC ta bayyana kawo yanzu.
PDP ta lashe mafi rinjaye a kananan hukumomin Guyuk, Jada, Gombi, Shelleng, Ganye, Demsa da Lamurde na jihar, yayin da ‘yar takarar jam’iyyar All Progressives Congress (APC), Aishatu Dahiru Binani ta lashe zaben Mayo-Belwa, Maiha da Mubi- Arewa LGAs ya zuwa yanzu. An gudanar da zaben ne a dukkan kananan hukumomin jihar 21.
Ana ci gaba da dakon sakamakon tattara sakamakon wasu kananan hukumomi 11 yayin da jami’an hukumar suka sanar da hutu har zuwa karfe 4 na yammacin ranar Lahadi, domin ci gaba da tattara sakamakon. Tun da farko dai an dage zaben gwamnan jihar Adamawa daga ranar 2 ga watan Maris zuwa 23 ga watan Maris, saboda wasu batutuwan da suka shafi kayan aiki.
