Gwamna Buni ya umarci Bankin Microfinance na Yobe ya bude rassa a kananan hukumomi 17 —

Gwamnan jihar Yobe, Mai Mala Buni, ya umurci bankin jihar, Yobe Microfinance Bank da ya bude rassa a dukkan kananan hukumomi 17 na jihar.

Gwamnan ya bayar da umarnin ne a ranar Asabar din da ta gabata a matsayin wani mataki na samar da ayyukan banki ga al’ummar kananan hukumomin.

Ya ce karancin bankunan da ake fama da shi a mafi yawan sassan jihar ya zama abin damuwa matuka.

“Sabuwar tsarin rashin kudi na babban bankin Najeriya ya zo da kalubale da dama ga mutanen mu a mafi yawan sassan jihar saboda rashin bankuna.

“Yawancin kananan hukumomin ba su da cibiyoyin hada-hadar kudi kuma dole ne su yi tafiya mai nisa tare da babban hadari don gudanar da hada-hadar kudi.

“Al’amarin ya kara tabarbare da sabuwar manufar rashin kudi, kuma duk da rokon da muka yi ga bankunan kasuwanci da su bude rassa, ba a samu amsa ba.

“A matsayinmu na gwamnati, mun sa ido a ciki don neman mafita da za ta ceto mutanenmu,” in ji Mista Buni.

Ya bayyana kudirin gwamnatinsa na tallafawa ci gaban bankin Microfinance.

Mista Buni ya bukaci mahukuntan bankin da su shirya don fuskantar kalubalen da za su zo da sabbin rassa “za ku sami cikakken goyon bayanmu”, ya tabbatar.

Ya yabawa mahukuntan bankin bisa yadda suka nuna kyakykyawan aiki a cikin ‘yan shekarun da suka gabata yana mai cewa, akwai damar kara ingantawa.

Mista Buni ya kuma yi kira ga ‘yan kasuwa da ma’aikatan gwamnati da duk wanda ke cikin kananan hukumomin da su baiwa bankin goyon baya domin ya tsaya tsayin daka domin samun nasara.

Credit: https://dailynigerian.com/gov-buni-directs-yobe/