Kanun Labarai
Firayim Ministan Indiya ya kaddamar da sabon filin tashi da saukar jiragen sama don bunkasa yawon bude ido
Firayim Ministan Indiya, Narendra Modi a ranar Laraba, ya kaddamar da sabon filin tashi da saukar jiragen sama na arewacin Indiya don bunkasa yawon bude ido a kasar Asiya.
Sabon filin jirgin saman Kushinagar da aka gina yana cikin gundumar Kushinagar na jihar Uttar Pradesh da ke arewacin kasar.
Gwamnatin Tarayya ta ce a cikin wata sanarwa cewa ita ce filin jirgin sama na tara a Uttar Pradesh da kuma filin jirgin sama na 128 a Indiya.
“Yanzu, akwai filayen jirgin sama na kasa da kasa guda uku a Uttar Pradesh kadai da 29 a duk faɗin Indiya.
“An kaddamar da kaddamar da sabon filin tashi da saukar jiragen saman ne da saukar jirgin farko a filin jirgin daga Colombo.
“Jirgin yana dauke da wakilan Sri Lankan sama da 100 na sufaye da manyan mutane.
“An kammala aikin gina sabon filin jirgin saman tare da kiyasin kudin Rupees na Indiya biliyan 2.6 (dalar Amurka miliyan 34.6).”
Sanarwar ta kara da cewa filin jirgin saman wani muhimmin mataki ne na bunkasa harkokin zuba jari da samar da ayyukan yi a yankin.
Xinhua/NAN
