Dogara ya jagoranci hadakar manyan jiga-jigan siyasar Bauchi don tsige Bala Mohammed —

Tsohon Kakakin Majalisar Wakilai, Yakubu Dogara, yana jagorantar wata gamayyar kungiyoyi masu ruwa da tsaki na siyasa da Gwamna Bala Mohammed na Jihar Bauchi.

Gamayyar ta kunshi fitattun jiga-jigan siyasa da shugabanni da suka hada da ministan jamhuriya ta biyu kuma dattijon jiha, Bello Kirfi da wani jigon PDP, Sanata Suleiman Nazif.

Sauran sun hada da Sanata Isa Hamma Misau, Hon Abdulmumin Kudak, Hon Mohammed Sani Abdu, Hon Yakubu Abdullahi Wowo, da dai sauransu.

Tsohon kakakin, duk da cewa dan jam’iyyar PDP ne, ya kafa tanti tare da dan takarar jam’iyyar All Progressives Congress, APC, Air Marshall Sadiq Abubakar mai ritaya.

A shekarar 2019, Mista Dogara a matsayinsa na shugaban majalisar a wancan lokacin, ya jagoranci gamayyar kungiyoyin da suka kori Mohammed Abdullahi-Abubakar na APC daga kujerar gwamnan Bauchi.

Jim kadan bayan hawansa gwamna Bala Mohammed ya yi kaca-kaca da mafi yawan jiga-jigan siyasar da suka taru suka goyi bayan zabensa.

An zarge shi da yin watsi da yarjejeniyoyin siyasa da aka cimma gabanin zaben da kuma almundahana da suka hada da karkatar da kudaden kananan hukumomi, rashin biyan albashin ma’aikata, da fansho da dai sauransu.

Da yake amsa tambayoyin ‘yan jarida kan ko ya koma APC ne ta hanyar marawa dan takararta na gwamnan Bauchi baya, ya ce: “Ina goyon bayan ‘yan takara ba jam’iyyu ba”.

Tsohon shugaban majalisar ya goyi bayan tare da bayar da ’yan uwansa guda biyu, Shehu Buba da Jafaru Leko a jam’iyyar APC da aka zabe su a matsayin Sanata kuma dan majalisar wakilai.

Ya ce duk ‘yan takarar sa in ban da Shugaban kasa suna cikin APC.

Makonni da suka gabata yana jagorantar yakin neman zaben dan takarar jam’iyyar APC a fadin jihar Bauchi inda ya bayyana shekaru hudu na Mista Mohammed a matsayin bala’i ga al’ummar jihar.

Credit: https://dailynigerian.com/dogara-leads-coalition-top/