Buhari ya dawo Abuja bayan duba lafiyarsa na yau da kullun a Burtaniya

Shugaban kasa Muhammadu Buhari ya koma Abuja bayan samun nasarar duba lafiyarsa a kasar Ingila.

Shugaban na Najeriya da ‘yan tawagarsa sun isa filin jirgin saman Nnamdi Azikiwe International Airport Abuja da yammacin Lahadi.

Yayin da yake kasar Birtaniya, a ranar 10 ga watan Nuwamba, shugaba Buhari ya gana da Sarki Charles III a fadar Buckingham dake kasar Birtaniya.

NAN ta tattaro cewa shugaban na Najeriya ya yi amfani da damar taron wajen jajantawa sabon sarkin bisa rasuwar mahaifiyarsa, Sarauniya Elizabeth ll, tare da taya shi murnar tabbatar da shi a matsayin sabon Sarkin Birtaniya.

Shugaba Buhari ya kuma karbi bakoncin jakadan kasar Morocco a kasar Birtaniya, Hakim Hajoui, wanda ya zo ya isar da sako na sirri daga Sarkin Morocco Mohammed na shida.

Mista Buhari ya bar Abuja ranar 31 ga watan Oktoba zuwa Landan domin duba lafiyarsa.

Har ila yau, a cikin makon, Mista Buhari ya taya ‘yan Najeriya 8 Amurka murna kan nasarar da suka samu a zaben tsakiyar wa’adi na Amurka.

A jihar Jojiya, Segun Adeyina, Gabe Okoye, Solomon Adesanya, Tish Naghise, da Phil Olaleye sun lashe kujerunsu na majalisar wakilai a matsayin wakilan jahohi a gundumominsu.

Hakazalika, Carol Kazeem ta lashe Wakilin Jihar Pennsylvania a Gundumar 159 yayin da Esther Agbaje aka sake zaba a matsayin Wakilin Jihar Minnesota a gundumar 59B.

An kuma sake zaben Dr. Oye Owolewa a matsayin dan majalisar wakilai na Amurka (Wakilin Inuwa) a Washington DC.

Mista Buhari, wanda ya yi addu’ar samun nasarar zaman su a ofis, ya gode musu bisa gagarumin goyon baya da hadin gwiwa da suka yi tsawon shekaru, tare da kungiyoyin da ke da alaka da akida da manufofin ‘yan Nijeriya mazauna kasashen waje a Amurka.

Ya kuma taya kungiyar kwallon kafa ta Najeriya murna kan rawar da suka taka wajen lashe lambar yabo ta Azurfa a gasar cin kofin nahiyar Afirka da aka yi a birnin Pretoria na kasar Afirka ta Kudu.

Rotimi Williams, Olatayo Olasehinde da Damilola Sholademi, wadanda suka wakilci Najeriya a gasar tseren mita 50, sun samu lambar azurfa, inda suka zo na biyu a bayan Afrika ta Kudu.

Haka kuma a lokacin da yake kasar Birtaniya, shugaba Buhari ya mika sakon taya murnar zagayowar ranar haihuwarshi ga dan uwansa kuma makusancinsa, Mamman Daura a bikin cikarsa shekaru 83 a duniya a ranar 9 ga watan Nuwamba.

Shugaban kasar a cikin wata sanarwa da mai taimaka masa kan harkokin yada labarai, Malam Garba Shehu ya fitar ranar Laraba a Abuja, ya bayyana Daura a matsayin “babban mutumi, malami kuma mai jihadi.”

NAN