Ba zan tsoma baki a gwamnatin Abba ba, in ji Kwankwaso —

Tsohon gwamnan jihar Kano, Rabi’u Kwankwaso, ya ce ba zai tsoma baki a harkokin mulkin gwamnan jihar mai jiran gado Abba Yusuf ba.

Mista Kwankwaso, wanda shi ne shugaban jam’iyyar New Nigeria People’s Party, NNPP na kasa, ya ce a matsayinsa na dan jihar zai rika ba gwamnati shawarwari masu inganci idan aka nema.

Tsohon dan takarar shugaban kasa na jam’iyyar NNPP ya bayyana haka ne a wata hira da BBC Hausa a lokacin da yake mayar da martani kan korafe-korafen da wasu ‘yan Najeriya suka nuna cewa ba zai bari sabon gwamnan ya tafiyar da gwamnatinsa ba.

Sai dai shugaban jam’iyyar NNPP ya lura cewa zai yi adawa da sabuwar gwamnati a duk lokacin da ya ga sun bata.

Ya ce, “Ko da mai tsabtace ku ne kuka nada a matsayin shugaba, to kada ku tsoma baki. Idan ya nemi shawarar ku, za ku ba da ita; idan bai tambaya ba to ku yi shiru.

“Lokacin da nake gwamna, na yi aiki da wasu mutane ciki har da Abba, wadanda suka taimaka min wajen samun nasara.

“Don haka ne muka zauna muka kalli mutanenmu gaba daya, muka zabi wanda muke tunanin idan Allah Ya kaimu ba zai sake maimaita maganar Ganduje ba.

“Duk wanda ke mulkin Kano, ko soja ne ko wanene, ba za mu bar shi ya bata ba.

“Don haka ko Abba ne ya mulki ko wanene, za mu gaya masa duk abin da ya dace, idan kuma ba daidai ba, mu ma mu gaya masa.

“Abin da na sani shi ne cewa za a gyara duk abubuwan da ba daidai ba a lokacin gwamnati mai barin gado.”

Credit: https://dailynigerian.com/interfere-abba-administration/