Kanun Labarai
An daure wanda ya nemi yin kutse a asusun Facebook na mutane
Mai shari’a Darius Khobo na babbar kotun jihar Kaduna da ke Kaduna a ranar Alhamis, ya yanke wa wani mai kara, David Kingsley, hukuncin daurin wata hudu a gidan yari saboda samun kutse a asusun Facebook na mutane da damfara.
Hukumar Yaki da Yiwa Tattalin Arzikin Kasa Ta’annati, EFCC, Ofishin shiyyar Kaduna ta tuhumi Mista Kingsley da zamba da kuma kwaikwayon mutane.
Mai shari’a Khobo ya yanke wa Kingsley hukunci bayan ya amsa laifin da ake tuhumar sa da shi.
Alkalin, duk da haka ya baiwa wanda ake tuhuma zabin biyan tarar N100,000 sannan ya gargade shi da ya guji aikata laifuka.
Tun da farko, lauyan EFCC, AA Onyenoho, ya shaidawa kotun cewa an damke wanda aka yankewa hukuncin ne a cikin wani samamen da ya biyo bayan bayanan sirri kan zargin sa da aikata laifuka ta yanar gizo.
Mai gabatar da kara ya ce bincike ya nuna cewa wanda ake tuhuma ya yi kutse cikin asusun Facebook na mutanen da ba su ji ba ba su gani ba kuma ya yi amfani da asusun don ayyukan yaudara.
Ya bayyana cewa laifin ya ci karo da sashi na 308 na dokar manyan laifuka ta jihar Kaduna ta shekarar 2017.
NAN
-
Mutane 37 ne suka mutu, wasu da dama kuma suka jikkata sakamakon wani samame da ‘yan bindiga suka kai kauyukan Sokoto bisa zargin kin biyan harajin da ake yi musu — Mutane 37 ne suka mutu, wasu da dama kuma suka jikkata sakamakon wani samame da ‘yan bindiga suka kai kauyukan Sokoto bisa zargin kin biyan harajin da ake yi musu —
