Popular Nollywood actress Toyin Adegbola, wey people sabi as Toyin Tomato, don come out yarn wetin dey her mind. She dey talk say make women no dey think of divorce for their marriage.
Na for Instagram live session on Monday, she drop dis advice. Toyin talk say for marriage, equality no dey, say na beta thing for women to stick with their ‘unfaithful’ husbands, but make dem dey protect themselves against sexually transmitted diseases.
She talk say, “No matter how your husband dey terrible, no even think of chasing am out or commot from him house. Later later, you fit regret am when your pikin dem get event wey important. As woman, you don suffer for the marriage, if you leave, no other man go marry you. Stay for your husband house, beg am make e dey use condom.”
Toyin give example of her friend wey dey buy packs of condoms for her husband whenever he dey visit Nigeria. She ask, “Won’t he sleep with another woman? Can woman come Nigeria and husband go buy her condoms? We no get equal rights, and I go continue dey talk am.”
In her closing words, she beg men make dem dey see their wives as responsibility and handle dem with care say, “Please, men, take us as your cross and see us as your first child. Despite how wise men be, dem fit still dey foolish. Whatever we want you to see na wetin you go see.”
