Justice Haleema Salman for Kwara State High Court go deliver judgment today for di Offa bank robbery matter. Di judgment bin dey plan for 2nd of August before, but dem postpone am reach today.
Di case don dey for court for almost six years now. Di oga wey dey look di matter, Justice Haleema Salman, don already look di final thing wey di two big lawyers write for di case. Di one wey dey rep di state na Rotimi Jacob (SAN), and di one wey dey rep di defendants na Mathew Emeribe.
Six pipu, including one police officer, Michael Adikwu (wey don kpeme), Ayoade Akinnibosun, Azeez Salahudeen, Niyi Ogundiran, Ibikunle Ogunleye, an Adeola Abraham, dem catch dem because of di wahala wey happen on top di bank robbery for April 5, 2018, for Offa, Kwara State. More than 30 pipu, join body with policemen die for that incident.
Ayoade Akinnibosun and four others dey face trial for di case wey begin November 11, 2018. Dem carry di five suspects go court, say dem plan to rob one bank, kill nine policemen, other pipu, and carry gun wey no be dia own. Michael Adikwu die for police hand, di remaining five talk say dem no dey guilty. Justice Haleema Salman start to read di judgment around 9:14 this morning.
Di main lawyer wey dey prosecute na Rotimi Jacob, but d other side lawyer, Nathaniel Emeribe, no show face for court, but AS Abdullahi dey represent am. Di tori still dey unfold, we go dey bring more update.
