Enzo Zidane, pikin of football legend, Zinedine Zidane, don decide say him go hang hin boots from professional football at di age of 29.
According to wetin dem report for Diario AS on Tuesday, Enzo, wey him last play for Fuenlabrada for Spain’s third tier, don decide say him go sidon look him family and investments well well plus other personal matters.
Sports journalist, Fabrizio Romano, don confirm di news. E talk say, “Zinedine Zidane’s son Enzo don retire from football at age 29, report @diarioas. Him last play for Fuenlabrada for the 3rd division of Spanish football and him wan focus on private things, like him investments. Enzo Zidane don retire from football at age 29, and go concentrate on him family and other investments.”
Enzo, we be Zidane pikin number one from four boys, get career wey last reach ten years, wey see am make 203 appearances, score 13 goals and give 24 assists.
Him career make stops for Real Madrid Castilla, Alavés, Lausanne, Rayo Majadahonda, Aves, Almeria, and Rodez Aveyron before him waka finish for Fuenlabrada, where e make 29 appearances.
Him most memorable moment na for him debut match with Real Madrid’s senior team, where him score goal for hin only appearance for one 6-1 win for Copa del Rey against Cultural Leonesa.
As Enzo don make up him mind to leave football leave, him brothers still dey active for di sport. Luca Zidane dey be Eibar starting goalkeeper, Theo Zidane dey play midfield for Córdoba for third division, and the youngest, Elyaz Zidane, just join Real Betis academy and dey represent France for U-17 level.
