Matter don burst for one top footballer, Matheus Nunes. Tori wey dey for town, na say dem arrest am for one club wey dem dey call La Riviera for Madrid. Na tori from newspaper ‘El Mundo’ dey talk say Nunes run enter wahala on top say dem say he thief person phone wey dey snap am inside toilet.
Dem carry Nunes go Arganzuela police station for Madrid, come take statement from am ontop say dem dey accuse am of theft. According to di tori, Madrid Police Headquarters confirm say dem release the balla but na with charges, pending trial.
Dis Nunes na correct baller wey Manchester City pay Wolverhampton Wanderers 62 million euros for 2023 to carry am come City. Dem dey even dey look am to fill in for Rodri wey dey injured. Back for 2022, dem don hail Nunes as one of di best wey dey for di game.
Nunes get humble beginning for Rio de Janeiro, Brazil, and e later move go Ericeira for Portugal. Him tori dey tuf, as e no see him papa grow. He talk for one interview, say him sabi take responsibility from small, as him dey help for family bakery.
Dis baller start him career for Ericeirense before dem sign am enter Grupo Desportivo Estoril Praia. By January 2019, Sporting CP snatch am, and for June 2022, na so Wolverhampton Wanderers come carry am enter Premier League.
