Popular businessman and social media influencer, Uyi Godson Agho, wey dem call Godson, don come out to say the allegation say he defraud another influencer, Clement Akpobome Ogudu, alias IsokoBoy (ISB), of N100 million, na lie.
The wahala start when video wey show Godson dey beg about the money begin trend for social media. For the footage, people talk say e show physical attack, intimidation, and private interrogation. The video make plenty people begin talk for online.
As e take react to the matter, Godson file petition with the Commissioner of Police, Lagos State Command, through im lawyer, C. C. Ezenwa, Esq. According to the petition, Godson and IsokoBoy dey run clothing business together wey worth about N320 million.
Godson further claim say IsokoBoy, together with Victory Osadolor, Godwin Isiah Peter, Jakpa Emmanuel Tesimi, wey dem know as Alavin, and oda people, come storm im house, secretly record am while e no wear cloth, and later spread the video online with talk say e don defraud im business partner.
E also say e don get misunderstanding before with Godwin Isiah Peter, wey dem call Richie, and e believe say na why Richie spread the video to spoil im name.
As e dey explain im own side of the dispute, Godson say the N320 million na the money from their clothing business, wey dem suppose share equally. E say IsokoBoy suppose deduct the same amount wey e don take from the money before dem share the rest.
“I believe there was no need to come with mutual friends for a matter like this. The business in question was worth N320 million. The entire goods are still with IsokoBoy. What he ought to do was to take the same share as I had taken, and we share the remaining balance equally. The social media posts and the attack on my person were needless,” e talk.
“Business is about trust and understanding. I never in my wildest imagination thought someone I considered my business partner would go this far. But then, life is a lesson. Even if a business relationship goes sour, there are legal ways to resolve the dispute,” e add.
Godson further claim say even after e promise im business partner say e go refund the money into their joint business account on Friday of the same week, the video still spread online. “To ensure our partnership continues, I even agreed to pay back the money into our business account that same Friday, yet they went ahead to post lies about me,” e tok.
For the petition, Godson urge the police to investigate the allegations and prosecute anybody wey dem find guilty.
