Ninety-nine pipo don drown for Germany for June month, wey be di highest number since di big heatwave for Europe for 2003, according to official figures.
Di national lifeguarding federation, DLRG, tok for statement on Sunday say di kontri neva register dis kain plenty drowning since di heatwave of June 2003, when 107 pipo die.
Di heatwave wey happun last month bring wildfire, wahala for rail travel, and increase for mortality rate for Germany.
Di drowning victims na mostly young men, di federation tok. Forty of dem no reach 30 years old, wey be di biggest group among those wey dem know dia age, and more dan 90 percent na men.
DLRG president Ute Vogt say, “Men dey more likely to take excessive risks and underestimate di dangers. Dem also enter di water more frequently under di influence of alcohol or other drugs.”
Most of di drownings happun for lakes and rivers.
