Nigeria and Paris FC winger Moses Simon don admit say e regret how e carry body at KAA Gent when e dey try to force move to Liverpool for 2018.
The 30-year-old, wey score three goals for Ligue 1 newcomers Paris FC last season, reveal say e career for don take different shape if e don complete dream move to Anfield nearly ten years ago.
Simon don enjoy successful career for Belgium, Spain and France, but e ambition to play for England never happen, even though plenty clubs for the kontri show interest.
The Nigerian international, for interview with , tok say clubs like Liverpool, Tottenham, Brighton, Fulham and Hull City all dey interested to sign am during e time for Belgium.
Simon play for Gent from 2015 to 2018, and e reveal say Liverpool come closest to sign am for that period, but the move no finally work.
The Super Eagles star dey for Liverpool radar before 2018/19 season, with report say the Reds table £10m offer for Simon. But Liverpool abandon pursuit, and Xherdan Shaqiri instead join the club.
Simon admit say the Liverpool transfer wey fall through affect am mentally, make am lose motivation for Gent. E say: “The second year [at Gent], I was supposed to go to Liverpool. It didn’t work. In my head, I was like: ‘Is it the agent or the club? I don’t want to play.’ So I was putting it in my head: ‘Whether I play or I don’t, I don’t care.'”
The 30-year-old further reveal say e believe say if e sacrifice e form and reduce e quality of e performance, Gent go force to sell am. “I [thought] if I don’t play, the club will find a way to quickly sell me,” Simon admit.
With age come wisdom, and Simon now say e regret how e handle the situation badly, and e urge younger footballers make dem no do same mistake. E add: “If I was an experienced player, I would push for everything because the more you play, the more market value you have. So every young player out there, whether there’s a rumour or no rumour, just give everything. A transfer can come, and you go. If it doesn’t come, continue because your club is paying you. This is the contract you signed.”
Despite missing dream move to Anfield, Simon don enjoy distinguished career, winning plenty trophies. The 30-year-old don earn 98 caps for Nigeria and dey near to become only fifth player for the nation history to reach 100-cap milestone.
