Kylian Mbappé don apologise to China and Chinese people after one remark e make about Mao Zedong for French online talk show The Bridge cause backlash. Di France and Real Madrid striker talk about one meme wey show im face on body of Mao Zedong, and e call Mao Zedong ‘a Chinese dictator’ for di video. Di comment spark serious reaction for China, and e no take long before Chinese brands begin cut commercial ties with am.
Beverage maker Dongpeng, dairy company Mengniu and cheese maker Milkground don end dia agreements with Kylian Mbappé. According to The Paper, Chinese public television also suspend La Liga matches, and dem remove all advertisements wey concern di Real Madrid striker. La Liga also release statement say e regret di offense wey di comments cause among Chinese fans, but e add say Kylian Mbappé make di comments for personal capacity and dem no represent La Liga.
Kylian Mbappé release statement on Tuesday: ‘My comment was ill-judged, and I now understand that it hurt many people in China and in Chinese communities around the world. I apologise to everyone my words have upset.’ E still talk say na no be im intention, say e get deep respect for Chinese people and dia history, and e dey sincerely sorry.
