Acting Vice-Chancellor of Tansian University wey dey Anambra State, Prof. Nnamdi Dike Umeoduag, don pass away at di age of 44.
Umeoduag, wey be professor of Microbiology, reportedly die for early hours of Friday.
Before di appointment, e don serve as Deputy Vice-Chancellor (Academic) for Tansian University.
He also be member of Anambra State House of Assembly, where he represent Aguata 1 Constituency.
For one statement, Registrar of di institution, Rev. De nekent Anthony Uke, talk say management of Tansian University don notice with concern various reports wey dey circulate for media suggesting say Prof. Umeoduagu serve as Acting Vice-Chancellor for only two days before him death.
Uke yan say dis no be accurate representation of di facts. According to am, Prof. Umeoduagu had been formally authorised to act for di office of di Vice-Chancellor well before di recent transition, following di commencement of di medical absence of di substantive Vice-Chancellor.
He consequently serve in acting capacity as Vice Chancellor for approximately two months, from di period when di substantive Vice-Chancellor proceed on medical leave until di expiration of di substantive Vice-Chancellor tenure on 30th September, 2026 and until him sudden demise.
Di statement add say him assumption of office no be sudden development of merely two days. E form part of established administrative arrangement wey dem formally communicate to public and regulatory bodies and authorise in accordance with di University governance processes.
Di statement describe di late professor as distinguished academic, Legislator, administrator, scholar, and committed servant of Tansian University whose dedication to di advancement of higher education extend far beyond di immediate interests of Tansian University.
Uke talk say Umeoduagu passing represent immense loss to di University community, him family, colleagues, students, and di wider academic community for Nigeria.
Di institution extend its deepest condolences to him immediate family, relatives, friends, colleagues, students, associates, and all those wey had di privilege of knowing and working with am.
